Nunca Máis recebe este venres o prémio Urogallo en Santader

-->>[Nunca Máis] [06/11/03 | 01:59 h.]

Agasallan a dignidade do povo galego!
(extraido de la página de Nunca Máis)




06/11/2003 Este venres a asociación ecoloxista Arca de Cantabria premiará á Plataforma cidadá Nunca Máis co prémio Urogallo 2003, pola resposta social artellada na catástrofe do Prestige e pola sua voz na resposta social, fundamental frente aos (i)responsábeis do governo.




A Xunta Directiva da Asociación para a Defensa dos Recursos Naturais de Cantabria (ARCA), decidiu otorgar o premio ÚLTIMO UROGALLO á Defensa do Meio Ambiente do presente ano á Plataforma cidadá Nunca Máis.


Trata-se da terceira edición de uns prémios que non teñen dotación económica e que se manifestan na reproducción dun urogallo (ou pita do monte na nosa lingua) obra do ceramista Serafín Torices.


ARCA valorou a NUNCA MAIS por ter sido capaz de organizar unha resposta proporcionada ao maior desastre ecolóxico sofrido en toda Europa, soportando a cámbio un dos capítulos de acoso político máis bochornosos da história da "democrácia". ARCA ten-se sentido representada por NUNCA MAIS durante toda a crise do Prestige e a sua voz ten sido fundamental frente aos responsábeis da maré negra.


A entrega dos premios será este venres 7 de Novembro, ás 20 horas, no Salón de Actos de CC.OO. en Santander. En representación da Plataforma Nunca Máis acudirán Manuel Maneiro, patrón maior da Póvoa do Caramiñal, e Zélia Garcia, responsábel de Prensa de Nunca Máis.


Desde estas liñas queriamos agradecer este xesto dos ecoloxistas cántabros, de recoñecimento á Plataforma Nunca Máis. Gracias compañeir@s!